Wednesday, November 25, 2015

දැනුම

සමාවනු මැන, කරමි කරදර, සමිඳුනේ... උදයම මෙමා.. හිතට වද දෙන, දරුණු පැනයක්, අසමි නුඹගෙන්.. රහසිනා.. පිනට හිත ඇති, අයෙක් වෙමි මම. පෝයටත්, පංසලෙ තමා.. කොට ඇඳුම් ඇඳි, ලඳුන් දුටු කල, හිත මගේ අසරන වෙනා..
මත් වතුර, දුම් වැටිය ලඟ නෑ.. මල් වලට, ලොබ නෑ මෙමා.. නරක පත්තර, කිසි කලෙක වත්, කියවලා.. නම්, නෑ තමා.. එහෙත් හිමියනි, තරුණ පෙකනිය, මතු කරයි.. රාගය හමා.. දුටුව විටකදි, දනහිසෙන් උඩ, බලන්නේ.. හැරි හැරි. කමා...
උදේ හවහා.. දුමින් සරුවත්, මත් වතුර බොන, පිට රටුන් කිසිම ගානක්, නැතිව ඉන්නවා. බිකිනි අදිනවා, එහේ එවුන් තවම තේරුම්, යන්නේ නැත්තේ, කොහෙද වැරදුනේ, මට සියුම් දෙසන් හිමියනි, ඔබේ මුවගින්. මුදා ගන්නට, හිතෙ කෙරුම් --------------------------------------------------------- නුඹේ වරදක් නොවේ පිංවත, රටේ.. වරදක්, ඛේදයක් සතුන් වෙමි අපි, මනස තිබුනට, උසස් වේසෙන්.. බාගයක් හිතේ කුකුසක්, ඇතිය කවුරුද? වෙනත් ලිංගික, ජාතියක් කතා බහ කල, යුතුයි.. ඔය ගැන, එවිට හිතෙ, නෑ... වාදයක්
ගණන්, විද්‍යා..., චිත්‍ර කෙරුවට, මදී... හොදටම දේශයක් දිය යුතුයි හරි දැනුම, ලිංගික. බය නොවෙන්, එය වචනයක් පිට රටුන් පොඩි කාලෙ ඉඳලම, දන්නවා හිත නැහැ බයක් ඇඳුම නොවෙ පුත, හිතයි වැදගත්, වහගනිමු දැනුමෙන්, සියක්



Monday, November 16, 2015

හයි වේ.. බස්, ස්ටෑන්ඩ්

කමිස, කොට්, ටයි ඇඳගෙන උගත් මහත්වරු ගැවසෙන උදැසනම ෆුල් බිසි වන හයි වේ.. බස්, ස්ටෑන්ඩ් ස්කර්ට්, බ්ලව්ස්, හයි හීල්ස් ඝන සාරි, ඔසරි, රන් අභරණ මේ ඔක්කොම වැදගත් දන බල සිටිති දැන් එකපාරට බස් එක එන ස්මාර්ට් ගතිය, බල්ලට යන ගෑනූ, පිරිමි, අර පොරකන බලන් අරුම, රන් ඇඳුමට වැහුනට ගතිගුණ දැන් සේරම හෙළුවෙන් යන අපේ රටක් දියුණු වෙන්නේ ඉතින් කොහොම බන්


Sunday, November 15, 2015

පඹයා

පෙරදා නැගුන කිචි බිචි හඬ අද නැත්තේ මාල ගිරා කැළ අද කොයිබද ඇත්තේ හිතට දැනෙන පාළුව හිටගෙන අත්තේ වරෙන් ඇවිත් වී කාපන් කම් නැත්තේ ඇරයුම ඇසී ඇතින් උන් ගිරවෙකුට අවා සෙමින් පියඹා පඹයගේ අතට හිනහී ඔළුව නමලා කල ඇරයුමට මෙලෙසින් කීවේ ලං කර පඹයගේ කනට ඇරයුම සොදයි කරුණාවයි උඹේ හිත එනමුදු සබඳ දැන් මේ වී පලක් නැත පෙරදා වගේ නෑ වස විස පිරී ඇත පොඩි උන් මැරෙයි කෑවොත් ලෙඩ හැදී නෙක ඉස්සර අපිට වෙන් කර වී තියලා මිනිසුන් හිටියේ මනුසත් කම වඩාලා අද උන් උන්ම උන්ගේම වල කපාලා උන්ටම කවයි වස විස දා අනාලා ඔච්චර ඔහොම හිතුවේ නෑ මම දුරට අයදිමි සමා ඇරයුම් කෙරුවට නුඹට පෙරදා වගේ සැළකිලි දැන් නෑනේ මට අත්තත් මගේ දිරලා වස විස සැරට


Wednesday, November 11, 2015

ගසක් කතා කරයි

කප කපා වියරුවෙන්, හිතක් නැති ලෙස බරට මර මරා පොඩි එවුන්, සීරුවෙන් පිලිවෙළට කිමද ජීවත් උනේ, සිතෙයි මොහොතක් සිතට බලන්නට මෙහෙව් දේ, නැහැ පලක් තොපි ලොවට මැන බලා ජීවිතය, පටියකින් බැඳ බඳට අරටුවට මිල කියයි, අරටුවක් නැති ලෙසට කුමක් නම් කරන්නද, කෑ ගසමි තොපේ පවට ඇසෙන්නේ නැති උනත්, දැනෙයි මතුවට යසට පරව යයි මල් ඔහේ, පැන් බිඳක් නැහැ මුලට අලි ඇතුන් පව් ගෙවයි, ගම් වැදී වෙඩි හඬට මුතුන් මුත්තන් උඹේ, පසුතැවෙයි නෑකමට වඳ වෙලා පල ගහේ, සිසිල උදුරපු පවට

Wednesday, November 4, 2015

මලක්

මමත් වෙමි එක්, මලක්
උඹේ පව් කම් වලට මැදි උන
හිතන් හිටියට, ලොවක්
නොවෙයි පින්සිදු මාව පිදු දින

නොතේරුන කල බනක්
බුදුරජුන් දෙසු අරුථ නොපෙනුන
අනේ නොමවෙයි, පිනක්
මාව පිදුවට වතුර ඉසමින


Sunday, November 1, 2015

යම රජ

බැහැ මට කරන්නට රජ කම මීට වඩා කිවේ යමරජුය, සද්දෙන් නැගිට මෙදා බැලු බැලු හැම තැනම නිරයේ වීදි පුරා මිනිසුන් ගනී ආතල් සුර ලොවට වඩා යම පුරුෂයන් රැවටී බොරු බහට අගේ එන මැති ඇමති ලඟ දනිහෙන් වැටි සබේ කාටත් හොරෙන් කර කතිකා හතර වටේ රජකම සේල් වෙන පාටයි විදී දිගේ ඉස්සර තිබ්බ කටු ගහ උං කපාලා ලෝදිය හැලිය උණු කර වටේ, බෙදාලා යක් සේනාව, මෙකප් ගුලි උලාලා මම යමි යන්න මුලු නිරයම වසාලා....

Tuesday, October 27, 2015

කරුමෙ

ඉදුනු ඉසකෙහි අතර නැළවෙන - ඔය අතේ මම එල්ලීලා තවම මතකයි අපේ කුඹුරේ - දුව පැනපු හැටි හිනහිලා නුඹේ දහඩිය වලින් පල ලැබු - ගොයම් කරලට ණය වෙලා යන්න තැනු හැටි හොයන් සරසවි - වසර ගණනක් කල් බලා
අපේ කරුමෙට පාර පිට පැන - කුඹුරේ පැල උන් කුඩු කරා මගේ මව් වුනු පියා අදටත් - ගෙයි සාලේ එක් තැන් වෙලා දැම්ම නඩුවත් උඩින් පැරදුනේ - ඩිෆෙන්ඩර් රථ ලොකු නිසා මහන මැෂිමේ රූන් සද්දෙට - දුකත් යයි උඩු ගං බලා

Monday, October 26, 2015

රජ

ගෙන්ද ගම් පොලවේ රජ උන හිතින් රේස් කා(ර්) එළවන අව්ව වැස්ස යට නොනැමෙන එහෙව් එකෙක් මං විරාමයට නැහැ මුල් තැන බජාර් එකේ උන් වටවෙන ටර්න් එකට කැරම් ගහන එල කොල්ලෙක්, යං(ග්) ට්‍රැෆික් වලට වංගු දාන ඉඳ හිට පොඩි දඩ කොල කන බොහෝ දුරට පිහිටට එන සීය කොලේ රන් ගෙදර ගැණී මාවම කන බඩු මිල හයි, ස්පීඩ්ම යන අපි පොඩ්ඩක් සෙකන්ඩ් වෙන්නේ ඔන්න ඔතන බං

Thursday, October 8, 2015

පිං කම්

ලබා මනු,සත් කම් ගොඩක්, ගහගෙන වත්කම් එකෙක් අනිකට, පෙත්සම් හැබැයි දැක්කොත්, කරයි පිංකම් --------------------------------- මේ පාර මම දානේ, බෙර ගහන් දොර ගානේ, යන්නේ කිම, කිය නොනේ, පිනද, කතිරේද, ඕනේ....
ගෙනත් ෆයිව්, ස්ටාර් හෝටලෙට, පින වික්කා කහ සිවුරු ගැත්තා : "මෙන්න පිං කම්, නියම අක්කා..........."

Wednesday, October 7, 2015

දේව කැමැත්ත

දවසක ඇවිත් ඇත්තට මම උඹේ, රටට
කරනවා කතා, රට බත් කන, හරකුන්ට
වේලක් නොකන මිනිසුන් ඉන්නේ, එමට
පලතුරු එපා. කියහන් පින් ඇති, මෙමට

ඇවිදින් සැවොම, මගේ නම මුල් පිරු, ගමට
අරගෙන හාල්, පොල්, පලතුරු, හිත හොඳට
මගේ නම කියා වැජබෙන කපු, මහතුන්ට
නොම දෙන් පඬුරු, මම ගෙවනවා, පඩි එමට

අරගෙන නැවත පේ කරවපු, බඩු අතට
ගෙනහින් ගමට දීපන් පොඩි, පැටවුන්ට
කන්නට නැතත් ගේ අහලක, පොල් බතට
එනවා මෙතන පව් දෙන්නට, වෙන උන්ට

කීවා මෙලස හීනෙන් ඇවිදින්, මෙමට
කියනා ලෙසට මා දන්නා, සඟයන්ට
පලතුරු නොවේ ඕනෑ පින්, දෙවියන්ට
නැති බැරි අයට අත දීහන්, හරියන්ට






Friday, October 2, 2015

පැය

නුඹත් නැතිවම ගෙවපු පැය මම, හිතත් එක්කම තනි වෙලා එකින් එක ගෙන හිතුනු සිතුවිලි, කවි කරන්නෙමි පෙරලලා හමන මද නළ ගෙනෙන සිසිලස ගත ගැටෙද්දී විසිරිලා නුඹේ උණුහුම හෙමින් අයදී පෙර ගෙවුනු දින සිහිවෙලා

Monday, September 21, 2015

යැපෙන

රතු තෙපුල් මත යැපෙන
හිතක් ඇත, කිතිකැවුන
ඇවිත් සිප මගේ වුවන
නැති කරන් කිති, හැඟෙන

පා තබා නිල්, ගඟන
තරු කඩා වගේ, හැලෙන
සඳ නුඹයි හද, පතන
මම කියමි හිරු, නොවෙන

සිසිල් සිසිලස හමන,
විටක උණුසුම යදින
ගතක් ඇත ගල් ගැහුන,
තනිව වැතිරී යහන

Monday, September 7, 2015

බිනර මහ

ලා නිල් වන් බිනර මලුත්,
මා දැක්කම හිනහිලා...
ඉඟි කරවයි, හිත සනසයි,
බිනර මහත් එළබිලා....

හිත යට දළුලන සනහස,
තියන්න බැහැ සඟවලා...
සඳ ඇති රැය, සිහි කරවයි,
එකල පෑව පෙම් සිනා...

රෑ අහසේ.. දුර ඈතින්,
විල් දිය මත, රුව හොවා,
මසකු හොරෙන් පෙම් බඳිනා...
තරුවක් ලෙස, නුඹ වෙලා....

නොහැකි බැවින් දිය යට හිඳ,
ගන්නට තුරුලට සදා...
වරල් කඩා, අත්තටු බැඳ,
මම එන්නේමි පියඹලා.....

Wednesday, August 26, 2015

නින්ද හා සැප නින්ද

ඩබල් ලේයර් මෙට්ට, යටි හිතින් මව මවා
පුළුන් දැමු සැප කොට්ට, වට කරන් ගුලි වෙලා
නිදන කල නුඹ හොඳට, සැප නින්ද වඩ වඩා
උඩ ගෙදර මහමුදලි, කැරකේවි ඇඳ වටා

ගිය මාසේ ගෙනා හයි,බ්‍රිඩ් මෙට්ටේ ඇල විලා
නින්ද එන තුරා ලේ, රතු වෙච්ච ඇස් වසා
කුරුළු තටු කඩා හැදු, සුමුදු කොට්ටේට වෙලා
තවම සිටි, නිදි නැතිව, නින්ද එන් නැති නියා

ගේ පහල මහ කන්දේ වීර, පළු ගස් නසා
කුට්ටි කර සල්ලි මැව්, මහමුදලි මේ තමා
නින්ද ආවත් මගදි, උඩ ගිහින් නැගිටිනා
පව් කරපු ඌ වගේද, මගේ පුතු පින්වතා


Thursday, August 13, 2015

පින

දැක පොර බදන ගස් ගෙම්බක්, ගැරඩියෙකූ
දැකලා සිතී බේරනු පින් පතා, මතූ
ගෙන තඩි පොල්ල කරලා ලාවට, මට්ටූ
බෙරා හැරියේ මා ගෙම්බී පන, ලොවක් පැතූ

යන්නට හැරුන විට මා ලඟ ගෙදරකට
ඇසුනා ගැඹුරු හඬ ලාවට මගේ කනට
"සතියක් නොකා බඩගින්නේ උන්නු මට
පර මනු සතා කෙලියා නොවැ, බඩ දිගට"

හෙමිහිට ඇදී ගෙම්බි පවුලක් දිහාවට
තිබු පන දමා පැන්නේ මම රටාවට
දිව් කල අනිත් සේරම වැලි තලාවට
මහලුම එකා අහුවුනි මට, කනාවට

තව නෑ වීරියක් මට ඇදි ඇදී යන්න
බේරුව ගෙම්බා යයි පර ලොව හෙට ඔන්න
උඹ දැන් ඉතින් පලයන් ඔය පින, ඇන්න
රෑ බත බලා ගෙදරට රහ මස් කන්න

Tuesday, August 11, 2015

සසර

සමඟ සංසාරයේ... නුඹත් එන්නැති පිනුත් වලලා
කිමද, පව්කාරියේ... තවම ජීවිත ගඟේ ගිලිලා
ඇතිද සිත් පාමුලේ.. මොහ, අහිරික ,ලොභ පිරිලා
තවම තනිකඩ නුඹේ... නොහික්මුණ සිත පවෙහි බැඳිලා

......................................................................

කෙලෙස වුනිදෝ එසේ... තවම නොතරේ, කමා කරලා
පවසන්න ජීවිතේ... අරුත කිමදැයි, සතිය වඩලා
මට ලැබුන ආදරේ... සොයන මා මේ සසර වසලා
තවම නෑ සමිඳුනේ... නිවන සැපතක් කියා හිතිලා

......................................................................

වැටහේය දුක නුඹේ.... පිඩුසිඟා වැඩි මමද බැඳිලා
සසර සතුටට මේසේ... නැහැ පෙනෙන්නේ දුකින් පිරිලා
දුන්න මේ දානයේ... පිනෙන් පතනේමි සෝක මිදිලා
නිවන් යන්නට නොවේ.... පතන පෙම නුඹෙ, වන්න කියලා

Friday, August 7, 2015

මැණීකේ

නැළවෙන නිතඹ දුටූවත්, හදවත සාරයි
හම කළු උනත්, මැණීකේ උඹ, හැඩකාරයි
කාටත් පොදුයි, කරුණාබර නෙත්, පායයි
උඹ මහමෙරක්, දුටුවම හරි, සිරියාවයි

නැහැ දබරයක්, යන එන විට, පාර තොටේ
මට නැගනියක්, වාගේ පූරුවේ , හැටේ
යදමින් බැන්ද දා හිරකර, දමා , ගැටේ
රතු උන ඇසින් බැලුවේ, පිට ඉදන්, වැටේ

බර කොට ඇද්ද අප්පොච්චා, හිටපු දොහේ
ආරච්චිලත්, හිටියේ කට වහන්, වහේ
උන්දෑ ගියෙන් සුරලොව, දා උඹව, මෙහේ
කොලු මම කුමක් කරනුද, අසරණයි, රැහේ

Thursday, August 6, 2015

The interview

මේ දවස් වල දකින්නම හම්බෙන්නේ දේශපාලනය, ඒ හින්දද මන්ද රෑ දැක්කා නියම හීනයක්. ඒකේ මම දේශපාලන විචාරකයෙක්, ටීවී ඉන්ටවිව් එකක් මාත් එක්ක. සල්ලි ගෙවල ගත්ත එකක් නෙවේ, බලෙන් මට එන්න කියලා තිබ්බ එකක්, මතක හැටියට මෙහෙමයි උනේ...

ටීවී අක්කා : ආයුබොවන්, අද අපත් සමග එකතු වන්නේ ප්‍රසිද්ද දේශපාලන විචාරක ගයන්ත මහතා, ඉතින් මහතානෙනි, ඔබට අපේ රටේ දේශපාලනය පිලිබඳ තියෙන්නේ මොනවගේ අදහසක්ද?

මම : ආයුබොවන්, තියෙන්නේ නම් කිසිම වැදගැම්මට නැති දේශපාලනයක්. තත්වය එහෙම් පිටින්ම වෙනස් කර යුතුයි. දැන් බලන්න ඉන්ජිනේරු මහත්තයෙක්ට පුළුවන්ද ගිහින් ලෙඩ හොද කරන්න, බෑ. අපේ රටේ අනිත් ඔනෑම තැනක සේවය කරන්න යද්දි අදාල සුදුසුකම් බලනවා, ඒත් රටේ වැදගත්ම අයතනයේ සේවය කරන්න ඔය මුකුත් ඔනේ නෑ. මේ පිලිවෙත වෙනස් විය යුතුයි. යමක් කරන්න නම් ඒ පිළිබඳ දැනුමක් තිබිය යුතුයි, දේශපාලනය කියන්නේ විෂයක්, ඒ පිලිබඳ දැනුමක් නැතිව එහි නියෙලෙන්න බෑ. ඒම නිසා මේයට ඉදිරිපත් වෙන්නත් අඩුමගානේ දේශපාලන උපාධියක් තියෙන අයට අයදුම් කරන්න කියලා, වැඩිම සුදුසු කම් තියෙන අයට නාමයොජනා ලබාදිය යුතුයි. ඒතනින් නොනැවතී පත්වීමක් ලැබුව පසු ඒයට අදාල පුහුනුවීම් ලබාදී එයින් සමත් වෙනවා නම් පමනක් ඒ අංශය පාලනය කිරීමට ඉඩහැරිය යුතුයි. නැතිනම් වෙන්නේ ඒ ඒ අංශ කඩාවැටීමකට ලක් වීමයි.

ටීවී අක්කා : දැන් ඔබතුමා ඔය යොජනා කරන ක්‍රමය දැන් ක්‍රියාත්මක කරන්න බැරිද?

මම : බැරි නෑ, කරන්න තරම් කවුරුත් බලයට පත් වේලා නෑ. මොකද අපේ රටේ දේශපාලකයෝ එකිනෙකා මත යැපෙන පිරිසක්. අරයගේ හොර වැඩ මෙයා දන්නවා, මේයගේ ඒවා අනිත් අය දන්නවා. ඒ නිසා පිරිසුදු දේශපාලන චරිතයක් සහ එයට ආධාර කරන්න පුළුවන් පක්ෂයක් බලයට අවා නම් බැරි කමක් නෑ. ඕක පටන් ගන්න ගියාම දැන් ඉන්න අය සැහෙන ප්‍රමානයක් අයින් කරන්න වෙනවා, ඉතින් එහෙම අයින් වෙන්න කැමති අය මේකේ නෑනේ. ඉතින් ඔය නීතිය ක්‍රියාත්මක කරොත් අයින් කරන අය කට වහගෙන ඉන්න එකක් නෑ. ඔය බිය හින්දම කාටවත් තාම කෙලින් ඇවිත් ඔය වැඩේ කරන්න පුළුවන් වෙලා නෑ. මොකද හැමෝම තමන් ගැන හිතන හින්දා, රට ගැන හිතන කවුරුහරි තමන්ට මොනා උනත් හරි තිරණේ දැන් වත් ගන්නවා කියල හිතලා ඔය වගේ තීරණයක් ගන්න පුළුවන් නම් රටේ අනාගතයට හොදයි.

ටීවී අක්කා : පැහැදිලියි. ඔබතුමා හිතන්නේ මෙවර ජනතාව කාටද ඡන්දය දිය යුත්තේ..?

මම : ඒක තම තමන්ගේ පුද්ගලික කැමත්ත, අපේ රටේ ජනතාවට වේලා තියෙන්නේ, එක්කෝ පක්ෂයක් ඔළුවේ තියාගෙන ඉන්නවා, නැත්නම් පුද්ගලයෙක් පස්සේ යනවා. හිතලා බලන්න කීයෙන් කීදෙනෙක් ප්‍රතිපත්ති ප්‍රකාෂන දිහා බලලා තීරණයක් අරන් තියෙනවද කියලා. රැල්ලට යන දේශපාලනයක් අපේ රටේ තියෙන්නේ, ගෙදර කට්ටිය මොන පාටද අපිත් ඒ පාට, ඔය සංකල්පය වෙනස් විය යුතුමයි, මේක දේශපාලකයාට, රජයට කරන්න පුළුවන් දෙයක් නෙවේ. මේ වෙනස් වීම පවුලෙන්ම ආරම්බ කල යුතුයි. මට මතකයි පොඩි කාලේ ඡන්දයක් ඒද්දි මම අහනවා තාත්තා කාටද ඡන්දේ දේන්නේ, අම්මා කාටද ඡන්දේ දේන්නේ කියලා. මට හම්බෙන උත්තරේ තමයි. ඒක තම තමන්ගේ පුද්ගලික කැමත්ත, හොද පුද්ගලයෙක් පක්ෂයක් බලලා අම්මා ඒයාගේ ඡන්දය දානව මම මගේ ඡන්දය දානවා. පුතත් ලොකු උනාම එදාට ගැලපෙන විදියට ඡන්දය දාන්න කියල.
ඔය ටික හැම පවුලකම ලමයින්ට පොඩි කාලේ ඉදලම පුරුදු කරානම් අපිට හොද සමාජයක් ගොඩ නගන්න පුලුවන්.
ඒත් දැන් තියෙන්නේ පුද්ගලයෙක්, පක්ෂයක් වටා ගොනු වෙච්ච, ප්‍රතිපත්ති ප්‍රකාශන බලන්නේ වත් නැති සමාජයක්. මේ විදිය වෙනස් විය යුතුයි, මිනිස්සු තෙරුම් ගන්න ඔනේ , චන්දේ ඉල්ලනේ මිනිස්සූ, මිනිස්සූ කියන්නේ දවසින් දවස වෙනස් වෙන ජාතියක්, පක්ෂ හැදිලා තියෙන්නේ මිනිස්සුන්ගෙන් කියලා. ඒ නිසා කැපුවත් නිල්, කැපුවත් කොළ, කැපුවත් රතු කියන සංකල්ප වලින් මිදිලා, අපේ රට, මේකට ඔනේ උගත්, බුද්දිමත් රටට වැඩක් කරන්න පුළුවන් ජාතියේ මිනිස්සු පත් කර ගැනීම කියලා ජනතාව හිතට ගන්න ඔනේ.

ටීවී අක්කා : අද තියෙන ප්‍රචාරක විදි ගැන මොකක්ද ඔබතුමාගේ අදහස?

මම : ඇත්තටම අප්පිරියයි, පාරේ බැහැල යන්න දුකයි පාරවල් කාලා, ලක්ෂ ගනන් වියදම් කරල පොස්ටර් ගහල නගරයම කාලා. දැන් විසාල විකාශන තිර හිටන් පාරේ දෙපැත්තේ තියෙනවා. මේවා දැක්කම දුකයි ඇත්තටම. කියන්න තියෙනේ අපරාදේ ඔවට වියදම් කරන බිස්නස්කාරයින්ගේ සල්ලී, තමන්ගේ බිස්නස් එකට යට කරානම් කොච්චර ප්‍රයොජනද, මේවයින් පෙන්නේ අපේ රටේ දේශපාලනය කරන අයගේ මනසේ තත්වය තමයි. පිටරටක මේවන් පරිසර දූෂණයක් සහිත මැතිවරණ දකින්න හම්බෙන්නේ නෑ. මොවුන් විනාස කරන්නේ රටේ අනාගතය. ඉතින් එවන් මිනිසුන්ට රටක් ගැන හැඟිමක් නෑ, චන්දේට වියදම් කරපු සල්ලී හම්බ කරගන්නේ කොහොමද කියල තමා හිතේ තියෙන්නේ.

ටීවී අක්කා : ඔබතුමා මේ පාර මොන පක්ෂෙටද ඡන්දය පවිච්චි කරන්නේ?

මම : ඒ ගැන තීරණයක් ගන්න කල් තියෙනවා, ඉදිරි දින වල්දී පක්ෂ අපේක්ෂකයන් ගේ හැසිරිම, ඔවුන්ගේ විවාද බලල, උගත් බුද්ධිමත් කෙනෙක්ට ඡන්දය දෙනවා. තව කල් තියෙනවා ඔය තීරණය ගන්න, මොකද මිනිස්සු කියන්නේ වෙනස් වෙන ජාතියක්, දේශපාලනය කරන අය ඊට ඉක්මනින් වෙනස් වෙන්වා, ඉතින් හොද අදහස් තියෙන, හිනා යන පොරොන්දු දෙන්නේ නැති කෙනෙක්ට ඡන්දය දෙනවා. ඒලෙසම කරලා, අපේ රට ගැන හිතල තීරණයක් ගන්න කියලා මම බලන් ඉන්න අයගෙනුත් ඉල්ලනවා, නැතිව ඒයාලා ඉල්ලුව පලියට දෙන්න එපා.


ටීවී අක්කා : දැනට රටේ බොහොමයක් දියුනු කිරිම් ආරම්බ කරන්නේ ණයට අරගෙන, ඒ ගැන මොකක්ද ඔබතුමා දරන අදහස?

මම : ණය ගැනීම පුළුවන් තරම් අවම කර ගත යුතුයි, පුළුවන් තරම් අපේ රටේන්ම මුදල් උපායා ගැනිම කල යුතුයි. ඒත් සමහර අවස්ථා තියෙනව අනිවාර්යෙන්ම ණය ගත යුතු, ඒ වෙලාවට, නිසි පරිදි විශ්ලෙෂනයක යේදිලා, මේ ගන්න ණයෙන් ඉදිරියේදි ඒවා යොදවල එම මුදල ආපසු උපයාගත හැකි නම් පමනක් ණය ගත යුතුයි, එසේ නොවන වයාපෘති කල් දැමිය යුතුයි. නැති නම් වෙන්නේ රටම ණය බරින් පොඩ්ඩ පොඩ්ඩ හිර වෙන එක. මොකද ණය දෙන්නේ අපිට ආදරේට නෙවේනේ, ඊට වඩා වැඩි මුදලක් ලබා ගැනිමට හෝ ගෙවිමට නොහැකි උනොත් ඒ ඒ උකසට තිබ්බද දේ ණය ලබාදෙන අයට අයිති වෙන හින්දයි. ණය ගද්දි මේවා ගැන හිතන්න ඔනේ, නැතිව අපි ගත්තට ජනතාවනේ ගෙවන්නේ කියල හිතලා ගන්න නරකයි.

ටීවී අක්කා : ඉතාම සතුටුයි ඔබ වැනි විද්වතෙක් අපිත් සමග අදහස් බෙදාගන්න ඔබගේ වටිනා කලය යෙදෙවට. ඔබට සුබ රාත්‍රියක්.

මම : සුබ රාත්‍රියක්.

ඔච්චරයි, අවුලකුත් නෑනේ හීනෙන් හරි දේශපාලන විචාරකයෙක් වෙච්ච එක.

Saturday, July 25, 2015

සූරියකාන්ත(තී)

හිරු නැති දවසක, ලස්සන හවසක
පාළුව නුඹ ලොව, සැළුන වේලේ.....

නැතිවද මගේ උණුසුම, තවමත් හිත
හිරු වෙනුවට ලොව එළිය කලේ...

අද හිරු ආවිට, මා අත අතහැර
කිම පවසන් නුඹ, දුරක ගියේ.....

ලෝකයේ දහමට, හිරුට බැඳුන පෙම
මට අහිමිද , දුක දැනෙන පැයේ....

කම් නැත දුර සිට, එළිය තියාගෙන
ඉන්නම් සැඟවී, කුරිරු ලොවේ....

එනතුරු දවසක, මාව හොයාගෙන
මගේ නොවනා , හිරු පුදන මලේ.....


Friday, July 24, 2015

The bonny lass

who... was that, bonny lass....
I asked from my heart, that suddenly crashed.
still remember, few years... back,
when I saw her, eyes... like flash...

today, she is.... holding my hand...
smiling out loud, like, waves hit sand...
still the same. my, bonny little lass...
who keeps my heart dance, from the day she, land.


Monday, July 20, 2015

Trend එක

සමදරා, ඇත්තෝර, රත් නිටුල්, ගෙන අනා
අමු ඉඟුරු, කීකිරිදිය, කොළ ඉස්ම,  දා පෙරා
දෙමට මුල් පොතු සමඟ, ළපටි කපු ගෙඩි දමා
හදමි මම, හෙළ බෙහෙත, කඹුරු ඇට මද තලා

නව මසක් ගැබ දරා, දරු වදනු කිම බොලා
ක්ෂනික ගැබ මොරන්න, ගනු බෙහෙත, මේය තමා
පෙර ගෙවුම්, පසු ගෙවුම් , කාඩ් ගනිමිය, මේමා
දැන්ම ඇනවුම් දෙන්න "ක්ෂනික දරු", බඩු තමා

Thursday, July 16, 2015

මතක

නුඹගෙන් ලැබුන උණුහුම හිත යට, හංගා
සියුමැලි මතක ගෙන එක එක, යලි කැන්දා
උදයම මෙන්ම හවසද, බිත්තියේ නන්වා
හෙමිහිට විඳිමි අද නුඹ ලඟ, නැති හින්දා

ගෙන අත මගේ බොරුවට නුඹ හපන හැටී
නිකමට වගේ කන මිරිකා දුවන සැටී
මවනට හැකි උනත්, මනසට පෙනෙන හැටී
විඳ ගනු කෙලෙස, එතරම් මන දියුණු නැතී

Tuesday, July 14, 2015

සපතේරුවා

පාර ලඟ බිම වැටී, හිසට වහලක් නැතී
විඩාබර ඔහු දෙනත, මඟ බලයි යලි යලී
කඩිමුඩියේ ඔහෙ දුවන, අයගේ පය ගැටි ගැටී
ඒ දෙනෙත් මඟ බලයි, තව වරක් හැරි හැරී

විටක එන තනි කකුල්, සපත්තුව කැඩි කැඩී
හිතට මහමෙරක් සේ, දැනෙනවා නම් ඇතී
හනික අත ඇඟිලි ටික, සපත්තුව වට එතී
සොච්චමක් ලද තුටෙන්, නට නටා දැවටෙතී

Sunday, July 12, 2015

මංගල මුදුව

දුටුවම දුරට, බිම වැළි ගනිනා, නයන
හිතුනා ටිකක් බලනට, ලං වී, කරුන
මංගල මුදුව, ජංගමේ නෑ. සුබ ලකුණ
තනිකඩ ලදකි, බස් නැවතුමේ, තනිරකින

නන්ගී කොහේද, කොහෙටද, යන්නට තනන
බස් හරි අඩුයි, අව්වත් ඇත, හම ඉරන
සුදු රුව මොකට, පුච්චනවද, පව් ගෙවන
නගරේ ඉන්නේ, තනිකඩ මම, රට වටින

දෙදරු මවකි මා. හිමියන් දෙයි, හෙවන
යන්නේ නගරයට, එක වසරෙයි, පුතුන
පතනේමි ලබන්නට, සොයනා, ප්‍රිය ලඳුන
මුද්දයි දන්නේ, පාසල් වල හැටි, දුදන

Tuesday, July 7, 2015

කිරි සුවඳ දැනුනද, නුඹේ ගත
පෙනුනේ නෑ අසරන, නුඹේ හිත
සොඳුරු යෞව්වන පිරුනු, නුඹේ වත
වටා ගෙතුනේ බිඳුනු, පතිවත

පැයට විකිණේන ලැමේ, උණුසුම
හවස වේ කිරි කැටිගේ, සැනසුම
පිය සෙනේ පිට ගොසින්, නොකියම 
තනිව විදහන් ලොවේ, ගැරහුම

ගත වුවත් රති කෙලියේ, දවසම
සිත දුවයි මතු දවසේ, ඇරඹුම
හොඳ කලක් යන කල් හෙටත්, මම
දැවි දැවී ගිනි ගනිමි, මෙලෙසම

Thursday, July 2, 2015

වීරයෝ

සුදු පටිය ඔතාගෙන උජාරුව පෙනෙන්නට
මම යමිය උදෑසන ට්‍රැෆික් නැති කරන්නට
සේවේ කර රට දැයට සොච්චමක් ලබන්නට
කට්ට කා අව්වේ රැක දඩ කොලත් ලියන්නට

අපි නොවේද මහ මගදි ජීවිතේ රැකෙව්වේ
එහෙව් කල මොකද අර බූරූවා එරෙව්වේ
නවතපන් තොට දෙන්න තෙරෙන්න දනව්වේ
අපියි බොල රට රකින වීරයන් ඉසව්වේ

හැරේව් වේ තිබෙද්දිද රතු එළිය ඉලව්වේ
කමක් නෑ ලියනවා එරෙව්වට හිලව් වේ
"ඇස් නැද්ද, ලියන්නද, හෙට උදේ වලව්වේ"
නෑ සර් මෙහේ එන්න, උදව්වක් හෙලෙව්වේ

Monday, June 29, 2015

කෝකියා

කෘතිම රස දමා හොඳ පැහෙන හොද්දට කදිම
දහඩියත් පෙරන් පොඩි කුස්සියේ ඇඳ සරම
සොච්චමට මාසයක් දුම් ගොඩේ විඳ කරුම
උඹත් බං කෝකියෙක් නොදැන උන්නට පදම

සුදු හාලේ බතට යන පරිප්පුව හොදි පිරෙන
බැදපු ලුණු රහට එන මිරිස් කරලත් රැදෙන
සීයේ බත් එක බුදින සුවහසක් දන වඳින
කෝකියා උඹයි රෑ....   සීතලේ බිම නිදන

උදෑසන දවල් රෑ වේල් තුන වස කවන
උන් තමයි මහත්තයෝ වරද කරු මම නොවෙන
වහසි බස් දොඩයි දන ඉස්පිතාලේ ලගින
උඹේ වස බතේ රස දොස්තරලා කොහේ දකින

කහ ඉර

යන්න යනවිට පාර පැන ගෙන උදෑසන කඩිමුඩියේ, මං
විසිල් ගහගෙන කාකි මහතෙක් ආවා දුවගෙන කෑ, ගහන්
කොහේද බොල තො ඔහේ යන්නේ කහ ඉරක් පෙනුනද අසන්
පැනපි මගේ ඔළු, වටම උදයම, වාහනත් නවතන් බලන්

බැලුව වටපිට නැහැනේ කහ ඉර, පනින්නට පෙර මම ඉදන්
කීවා කස කස ඔළුව වන වන, මමත් හෙමිහිට බිම බලන්
යකෝ නීතිය, පාර පැනුමට කහ ඉරෙන් උඹ දැන ගනින්
වරෙන් හනිකට දඩය දෙන්නට පාරේ මුල්ලට අඬගහන්

අනේ බුදු සර් වැඩට යන්නේ උදෑසන කලබලේ, මං
බැරිද අදවත් සමාවන්නට අදින තුරු කහ ඉර, හිටන්
තොපිත් වද දෙන හැටිත් අපහට කියා සීයක්, ඌ අරන්
මමත් නැග්ගා කොටන බසයට කහ ඉරක් පාරේ බලන්

Thursday, June 25, 2015

වනලිය

ඝන අඳුර රජ කරන මිනිස් පුළුටක් නැතී
ඈ මටම අතවනයි මෙහේ වරෙන් නුඹ සකී
පිනි බින්දූ තැවරිච්ච තණ පිඩලි මත වැටී
මීදුමේ ගැල්වෙන්න, කොළඹ ඉඳලම හතී

සොබාදම මතු කරපු වන වඳුලේ ගැටි ගැටී
යමං හිත නවතන්න සැබෑ දැහැනක වැදී
මුවම සිඹ සනසන්න මිහිරි දිය වැල් ඇතී
වරෙන් අදවත් මෙහෙට අතවනයි නොනැවතී

ඉස්සරත් ප්‍රිය කෙරුවේ හරිත පැහැ රටාවට
ඒ නිසයි හිත බැඳුනේ නිබඳ තුරු ලතාවට
ගෙන එන්න බැරි උනත් අරන් මයේ දිහාවට
හිත කියයි යමු යන්න ඇගේ ගල් ගුහාවට

Monday, June 22, 2015

කෙටිම කතාව

හෙමින් හමා අපු හුළං පොදකින් දඟ කරපු ඇගේ කෙස් රොද මගේ මුහුනට වැදි මගේ නින්ද කඩාකප්පල් කරා, එක පාරක් නම් කමක් නෑ දෙපරක් තුන් පාරක්ම. ඉවසුවා ඇති, එක්කො මේ කෙල්ලෝ කොන්ඩේ බැඳගෙන එන්න ඔනේ නැත් නම් කපලා දාන්න ඔනේ.... අදට වසර තුනකට පමන කලින් බස් රියේ සිදු වූ සිදුවීම හෙමින් මතකයට ආවේ ඇගේ උරහිස ගාවට කොට කරපු කොන්ඩය හෙමින් පිරිමදිද්දී, අපරාදේ ලස්සනට දිගට තිබ්බ කොන්ඩේ.

පාළුව

නුඹත් හිටියා නම්,
වෙළි මා ලඟ අත්ල අල්ලා
යවන්නට තිබුනා
හිතේ පාළුව සයුරේ හංගා
නුඹත් නැති හින්දා,
කෙලෙස මැඩලනු හිතේ සංකා
නුඹත් හිටියා නම්,
නොවේ මට, මේ වගේ නංගා

Thursday, June 18, 2015

කාලය

තත්පර, මිනිත්තුත්,  පැය කටු තරඟයට
වට වට දුවයි ඉවසීමක් නැති ලෙසට
උන්ගේ සද්දේ ඇසිලා මගේ හදවතට
විදිහක් හිතයි නවතනු කෙලෙසක රවට

බලහන් මිතුර දිග කැත ඔය උඹේ හැටී
තරඟෙට දුවයි හරි හරියට උඹට හතී
පැය කටු කොටයි, හෙමිහිට යන්නේ නැළවී
කිම පව් ගෙවන්නේ උඹ ඔය, හිතන් සකී

අසලා මගේ බස් හෙමිහිට ඌත් ඉතින්
රවටනු පිනිස පැය කට්ටත් වහසි බසින්
දුවපන් මචං උඹ මහතයි කියා පෙමින්
පැය කටු දුවයි දැන්, තත්පර කටුව ලෙසින්

Monday, June 15, 2015

මංගල

නිලැසිය දෙතොල් රතු කර යස හැඩකාර
මංගල ඇඳුම ඇඳ සුදුවට පින්සාර
සුන්දර පාද තබමින් නුඹ දඟකාර
යන්නට එන්න අතගෙන අද කරකාර

ඇසිපිය සෙමින් සිසිලස දී සැලෙන විට
නුඹේ උණුහුමින් සීතල යයි පලා හෙට
මංගල මුදුව හැඩකරවයි ඇඟිලි වට
මගේ හද ගැස්ම වී එනු මැන ඉතින් ගෙට



Monday, June 1, 2015

උඹට

බොරළු කැට, ලී පියන් මත වැටි නඟන හඬ
සිත පෙලයි, යලි යලිත් නුඹට නෑසුනත්, අද
හඬන මව, පියා සොහොයුරුත්, ඉකි ගසන කල
අපි හිඳිමු ගල් ගැසි උඹේ මතකයන් මැද

පෙර දවස, එකට පාසල් ගියපු වාරයද
කට්ටි පැන උඹ එක්ක ඔහේ ගිය කාලයද
සිල්බරන් කොටන් උඩ, දිය වෙච්ච දහඩියද
නැවත යලි එන්නේ නෑ, මතක නම් කෙතරම්ද

යමි යන්න හැරදමා උඹේ, උඹ නැති සිරුර
යළි එන්න මීවිතක් රැගෙන යම් මතු දවස
හීනියට සෙට් වෙලා අපේ උන් ටික එක්ක
දුක එක්ක කලතන්න සිනහා මතකෙට නතුව

Tuesday, May 19, 2015

වෙසක් ෆන්

රෑට මහ නගරයේ මොහොතකට ඇවිදින්න
බෙර ගසා වෙරි මතින් සද්ද කර නැගිටින්න
නීතියක් නැති දවස් දෙකතුනක් පැමිනෙන්න
මඟ බලන් හිඳිමි මම වෙසක් ෆන් අරගන්න

කුමට මල්, ඇත නළා පිං අපිට කරගන්න
පැය ගනන් බොරු ට්‍රැෆික් වල ඉදන් තැම්බෙන්න
බලු වෙච්ච පොලීසිය ලඟ ඉදන් මොර දෙන්න
බලන් ඉන්නේ මමත් පිං ගන්න, සැනසෙන්න

ගසාගෙන සෙල්ෆියක් පන්සලක් පසුවෙන්න
බලා තොරණේ බුබූළු ලස්සනයි හිත යන්න
ගෙන නොයෙක් බහුබූත පින්තූර ඇති වෙන්න
හදන්නට "වෙසක් ෆන්" ඇල්බමක් පොර වෙන්න

Monday, May 11, 2015

මතක

පෙරලා මතක එක එක ගෙන 
පිනි වැස්සේ
කාටත් හොරෙන් තනිවි මම
ගෙයි අස්සේ
තනිකම ඇවිත් අසලට පැන
හිත් මැස්සේ
නුඹේ රුව නොදැක ගතවුන
තත්පර විස්සේ

Sunday, May 3, 2015

පිං

වැඳ බෝ සමිඳු ශ්‍රී මහා, කලගුණ රැඳවූ
පිං ලැබ ගන්න පොර කති, මල් ගෙන අහුරූ
අම්මේ අයින් වෙනු පොඩ්ඩක්, පිං මදිවූ
නැත්නම් පෑගීලා යයි අර බල, සිරුරූ

තල්ලුත් කරයි විටකදි බලමින් ඔරවයි 
යන්නට එපා ඔය පිං ගුණ නැති පාටයි
ඔය මල් පිදුම සත්තයි කුමටද, ලාබයි
අපි මල් පුදමු යට මළුවට සිත සාරයි

Monday, April 27, 2015

දෙනුවන

මහද අරගත් නීල දෙනුවන
හිතම සැරසූ ඒ සොඳුරු මන
හමුවෙතැයි මා මඟ බලාගෙන
ඉදිමි ගැහෙනා හිතත් අරගෙන

කෙලෙස පිළිගනු හද සලිත වන
ගෙන යමිය මල් රෝස ප්‍රිය දෙන,
කුමට මල් දෙනු රෑට මියැදෙන
පෙම පුදමි දිවි තුරා පවතින

Tuesday, April 21, 2015

වර

වර වර ලඟට ඉක්මන් කර සුදු මැණික
ඉවසුම් නැතේයි දකිනා තුරු නෙතු හනික
අරගෙන නුඹේ මුදු අත, මල වැනි මෙලෙක
යන්නට බලයි මඟ, හදවත මතු දිනෙක

අබලන් මගේ හදවත ගෙන සෙවිළි කර
පිසදා හොදින් කුණු දුහුවිළි පවෙන් බර
ගත්තට තවම ණය ගැති මම ලොවට සුර
ණය පියවන්න ඉඩ දෙනු මට, ළඟට වර

Thursday, April 16, 2015

නුඹ

බලන් අර මල් කිනිති හොරෙන්, අප දෙස බලා
පැණි උරන බඹරුන්ට ඉඟි දෙමින් හිනහුනා 
ඒය දුටුව මද සුලඟ අතු වටා කැරකිලා 
මල් වලට ඔච්චමට වගේ සරදම් කලා

ආදරය මෙතරම්ම සුන්දරද, හිත හිතා
සුදු වළාවන් හෙමින් හිරු කුමරු හැංගුවා
නුඹේ හිසට, මගේ පපුව, සුව මදිද සිත සිතා
නුඹ නිදන සැටි බලන සඳ, තරුද දිලිහුනා

Monday, April 6, 2015

ලොව

නෙක නෙක සොඳුරු ඇසි පිය හෙලුමන් වැස්සේ
පානා මුකුළු මට නම්  දැන් කැප නැත්තේ
කෙතරම් සොඳුරු වූවත් ලිය නුඹේ පොත්තේ
ඇය මැවෙනවා යලි යලි මගේ නෙතු අස්සේ

සිනහව පුරයි හදවත මගේ සරුසාරයි
ලාවට සැරයි සිත කැමතිම ඒ ගානයි
කිංකිණි හඬයි නැතිවිට මගේ හද පාරයි
ඈ මට දුරයි එනමුදු මුළු ලොව ඇයමයි 

Monday, March 30, 2015

ගොළු දෑස

රන් මිණි සිනහ රන්දා
සතොසින් දෑත බන්දා
වරෙන් යං නන්දා
දෑස වී මගේ, ලොවම කැන්දා

අතින් අත රන්දා
හිතුත් එකිනේක බන්දා
වෙමි නුඹේ, බිරින්දා
මගේ කටහඬ, නුඹම හන්දා

---------------------------
යන මේ යුවල මඟ
දුවනා ලොවම අතහැර
දුටුවිට අසති හද
කොහිද සතුටක් මෙවන් මීහිපිට

අන්ධ ඔහු පින්බර
හෙලා හද නෙත් ඇය දෙස
ගොළු වුවත් ඇය අද
කෙලෙස වසනුද හදේ රාවය

Friday, March 27, 2015

You

Love the sun, and arising moon
stars, trees, and flowers that boom
love the seas, and sands with flume
also humans, who comes from a womb

Love your smile, and eyes so zoom
voice that makes my, heart goes broom 
love my life, and feels so bloom
missing you the only thing, makes me doom 

Wednesday, March 25, 2015

නූතන පිය කවි

නිදිමත යමන් දොර පල්ලෙන් ඉගිලගෙන
ඇදිවත අරන් යන්තම් ඇඟ පටලගෙන
කඩමන්ඩියට යන්නට මේ උදෑසන
පලයන් නින්ද පලයන් කිරී, දරු හඬන

කිරි නැත එරෙන්නේ කරුමෙට, මේ අපට
මේ දුක කෙලෙස වැටහෙන්නද, දෙවියන්ට
මවලා හිටිය මව්, මගේ අඹූ, මේ ලොවට
උදුරලා ගත්තේ උඹමයි මට, දුක දෙන්ට

ගෙවලා ගන්න එළ කිරි බාලද, මන්දා
ඒවා එපා ගනු පිටි කිරි හොඳ, හින්දා
කිවා වෙදුන් බටහිර තම නම, රන්දා
බීපන් වතුර, පුතු පිටි කිරී...  මිල හන්දා

Tuesday, March 24, 2015

පබසරා

බලා සිට නෙත එනතුරා
ඇමතුමක් උදයම බලා
නෙතු හැරෙයි නිදි මත ගසා
කොහේ ගියේ මගේ පෙම්බරා

ඉකිගසන හැඬුමක් වටා
පද බැඳෙන කවියක් දවා
නුඹම එන තුරු මඟබලා
සිටියේ මා, උනුසුම දරා

වලා පෙල යයි කළු වෙලා
බිඳු නැගෙන විට බිම තෙමා
කඳුළු සඟවමි වැහි පලා
සිනාසෙමි මම, පබසරා

Friday, March 20, 2015

සිඟන්නී

ගැබ්බර සිඟන්නී
පාර අද්දර උන්නී
සිත සුසූම් සැලුනී
අහෝ ලෝකය, කියා සිතුනී

සැලී සිත දෙවරක්
බලා සිට තව, මොහොතක්
හැරුනි මම නැවතත්
බීර උගුරට, දුමින් සරුවත්

Thursday, March 19, 2015

Hope

In the land of mist an cold 
where I found your innocent world
there are nothing like eyes that glow 
and your lips like red rose snow 

Wow, you are my damn little rose 
which makes me high, even without smoke 
baby can't you see, I'm near the door
no, no, I'm not, it's just a another hope

Tuesday, March 17, 2015

මෙදා

හිතට හරි හීනියට තඩි බාපු නුඹ ඒදා
අද හරිම ආදරෙන් මගේ හිත අතගගා
කරන දඟ කම් වලට හිතත් කැමතිම නිසා
මමත් හරි අසරනයි නින්ද නැති කල මෙදා

රතු පාට රෝස තොල් මලට හුරුකම් කියන
හිතත් හරි සුමුදු ඇති පිපෙන මලකට උරුම
කියන කරනා දෙයින් හදවතට මගේ එකම
උහුලගනු බැරි හෙයින් ආදරෙන් ඇත බැඳුන

Thursday, March 12, 2015

සිතැඟිලි

ඇත්තමයි පවසන්නේ මා, හිත
රැදුනු තැන් නම් අල්පයයි
එයින් සුවිසල් තැනක් හිමි නම්
නුඹට මයි, ප්‍රිය නුඹට මයි

අඳුරු රූ ඡායා, වෙසින් වූ
නොයෙක් රූ නම් අපමනයි
ඒ මැදින් නුඹ රුවම මැවුනේ
කිම කියා අදටත් සැකයි

ඇඟුළු දැමු සිත් කවුළු හැරදා
මා දමා වසනට සිතයි
නුඹේ සිතැඟිලි ඒලෙස කීවේ
ඊයේ රෑ හිනෙන් තමයි

Sunday, March 8, 2015

නින්ද

බැරිද ඩිංගක් මෙහෙට එන්නට
මාත් එක්කලා රන්ඩු වෙන්නට
සිහින් කිංකිණි හඬ නගන්නට
දෑස් වලිනුත් සිනහ වෙන්නට
බලන් හිටියේ හඬ අසන්නට
නිදි කිරා වැටුනත් විටින් විට
යමන් නුඹ පර නින්ද අහකට
පෙම් කරත් පෙර, බැන්නේ තරහට
උඹත් හරි දැන් වෙනස්, සතියට
දැනුයි පර, පෙම් බැන්දේ පෙර, මට
වෙනදා යන්නේ දවල් වෙන විට
දැන් ඉතින් නව පෙමක්, හතරට ....

Thursday, March 5, 2015

සිනහව

මගේ හිත හිරි වැටේන කම්
කරනා දඟ කාර කම්
මැවෙනා සිනහව තරම්
කොයි ගියේ කටකාර කම්

හිටියම නුඹ නිදනකන්
තනියට මගෙ ලඟ හිදන්
උනුසුම දැනෙනා තරම්
දනීද වෙන හිත තරම්

කටහඬ අසනට වරම්
ලැබෙනා තුරු ගුලිකරන්
ඉමි හිත මම ගල් කරන්
හෙට එළි වනතුරු බලන්

Wednesday, March 4, 2015

(රතු) රෝස

මලකි නුඹ රතු රෝස 
දුටුව කල සිත් අහස
පැතුව විට නුඹ පහස
දැනුනේ කටු වල රහස

දුරක පිපුනත් ඈත - සිත ගියපු රතු පාට
කියන් මට කවදාද - වෙන්නේ මගේ සැමදාට

Tuesday, March 3, 2015

Secret Lover

baby.... do you know, how much i, love you ..
every time, even now, thinking about you ..

love the smile, love your eyes
even, hair too.....

never, ever, you gonna know this, 
cause,
I'm your secret lover...... 

I'm so rude , you so sweet 
even now, I, made you weep
my heart, also falling deep..

cause,
baby I'm your, secret lover...... 

Monday, March 2, 2015

පෙර සේ

දෝලනය වන සිතක් අස්සේ
කෙසේ ජීවත් වෙම්ද සිත්සේ
නොතේරේ මට තවම, අහසේ
කියා දෙනු මැන සිතට රහසේ

සිත බැඳී ඇත, නුඹට සඳ සේ
පහන් වෙයි හද, දුටුව විගසේ
තවම නොතේරේ කිමද මෙලෙසේ
දුරයි ඈ මට, නුඹට මල සේ

ඈ සිනා වන් මහ මෙරක් සේ 
හිතම පුරවයි පිං කෙතක් සේ
බලා සිට ඈ දෙසෙම දවසේ
ඇදෙමි නින්දට අදත් පෙර සේ 

Sunday, March 1, 2015

කුකුස

රැඳුනු හිත කුකුස ඇත
ටිකෙන් ටික මොරලා
නොසඟවා පවසන්න
කිමද මේ කාරනා
සිත යටට නුඹ දැමූ
දළු දමන යොජනා
තවම මඟ බලන් ඉමි
මුවින් පවසන තුරා

Thursday, February 26, 2015

චැට් පෙට්ටිය

දුව, දෝනී වරෙන් මෙහෙට
උරහිස ඇවිලිලා රිදෙන්ට
මට බෑ මේ දුක විඳින්ට
ඇවිදින් පොඩියක් බලන්ට

අරගෙන අර තෙල් කුප්පිය
හෙමිහිට පිට අතගාන්ට 
පිං සිදු වෙයි මගේ දොනියේ
මතු බුදු වී නිවන් යන්ට
................................
අනේ අම්මේ මේ අහන්න
අප්පච්චිට තෙල් ගාන්න
දැන් නම් බෑ නැගිට එන්න
චැට් පෙට්ටිය ඇත පිරෙන්න

Wednesday, February 25, 2015

සප්ත කන්‍යාවී

අතට අරන් එක හුස්මට
පෙලි පෙලි කියවන්නට
පුස්තකාලේ ඇතුලේ ඉඳන්
උනුසුම ලඟ නැලවෙන්නට
තවමත් හිත සොයන සුවය
නුඹේ ඇසින් දැක ගන්නට
අද එනවද මාත් එක්ක
අපේ ගෙදර නවතින්නට

Monday, February 23, 2015

ලඳ

බැඳි සිත නුඹ ගැන
විගහට දළු ලන
කෙලෙසක සිඳලන
දුටු ලඳ පෙර දින

බැස යන හිරු අර
බලහන් හිත බර
කිව්වට සැර කර
බැලුවේම නුඹ සර

ලාවට හිනහෙන
රෑ සඳ පරදන
සිත මගේ රවටන
නම කිව මැන, පන

Saturday, February 21, 2015

උන්

වරෙක උන් අඬ ගසා රවටාපූ හිත හොඳට
අද මිටින් මිටි කරන්, සඟවගෙන නැති ලෙසට
ඉඳිමි මම දුර බලන් ලඟ නොබල සිත රවට
හෙටත් ලොව මග බලයි රිදවන්න යලි සිතට

ඒපා මට යලි සෙනේ සැකයි පිරිමින් සැවොම
දැන උගත් පාඩමෙන් බැට කෑවේ මගේ සිතම
මුණගැසී පෙර දිනක මෙලෙස කී ඒ හිතම
දුටුවේ මම අද දිනේ පෙම් කෙලින හැටි අරුම

Friday, February 20, 2015

සිතුවිලි

සිත මගේ
දින දින
සිත සිත
නුඹේ වග...
දිව යයි
තව මත්
පෙර කල
දවසට ....
සිත අග
පොර කන
සිතුවිලි
පොදි බැඳ...
දම නේමි
විගහට
සැඩ මහ
මුහුදට...

Thursday, February 19, 2015

නුඹ, මා

දෙනෙත් වැසෙනා වරක් පසා
මැවෙන බොඳ වෙන නුඹගේ සිනහා
දිහා බල බල සෙනේ පෑවා
කියා ගොතලා නුඹට කිවා

වැඩත් වැඩි වී සිනහා කා දා
බොසත් තරඟෙට වගේ හැමදා
ඉතින් මේ ටික නුඹට  නොකියා
ඒලෙස කිවා මෙමන් සැමදා

නුඹත් නොදෙවෙනි ලෙසින් ගයනා
ගීය සැමදා හරිම අගනා
"ගන්න සුසුමන් එකක් පාසා
මතක් විය මගේ සොඳුර, නුඹ මා"

Saturday, February 14, 2015

වැලන්ටයින්

දියන් මට පෙට්ටියක් පාට දා රස කරපු
තවත් එක රතු මලක් බෙහෙත් දා පන පොවපු
ආදරේ පෙන්නන්න සාගරේ වගේ ගලපු
තවත් නැති වෙද මුකුත් උඹලා ඔය උඩ තියපු

රතු රොස මලක් ගෙන ඒ දිහා මම බලපු
හෙටම පර වෙන හැඩයි හිතත් මගේ පසු බැහැපු
පෙමත් පරවී යාද කියා හිතලා බලපු
ඒ නිසා කඩදාසි මලක් ගෙන මම ගියපු

දහඩියත් පෙරාගෙන සුවඳ විලවුන් හලපු
මා ගියා හිතවතිය වෙත පෙමින් දළු දාපු
දාහේ රස කැවිලි වල ගිය ගමන් රස බලපු
ඈ ගියා කඩදාසි මල නිසා මම දීපු


Thursday, February 12, 2015

කළු වළා

සඳ ද තරු ටික පිරිවරාගෙන
පාන පෙම් ඇඟ කිළිපොලා යන
පොලෝ තලයට වසන් කරවන
කළු වළාවට හෙණ පතයි මන

තට්ට තනියම හිත වසාගෙන
ගල් තලාවට හිස තියාගෙන
බලන් හිටියේ හිරු පලායන
තෙක්ම අඳුරෙන් විළි වසාගෙන

හිරුගේ එළියෙන් ලප වසාගෙන
තරු දනන් හද පෙම පතාගෙන
පැමිනි විගසම ඇස් ගසාගෙන
තිරය වැසුවා  කළු වළා ඝන

පැතු හෙණ, හෙණ හඬ දමාගෙන
කළු වළාවන් හද පලාගෙන
වැදුන විට ඝන හිත කඩාගෙන
බිඳු වැටුනි මගේ හිස තෙමාගෙන

Tuesday, February 10, 2015

නුඹ

ලැබෙන උණුහුමක සැනෙක නුඹ මැවෙන
ගෙවෙන තත්පරය සිහින මම දකින
දැවෙන තොල් පෙත්ත නුඹම සිහි කරන
පාට මල් ගවුම කොහෙද මට සිතෙන

පිපෙන පෙණ පිඩළි වෙරළ පිස සිඹින
ඇයත් සිනහෙමින් යනෙන රළ බිඳින
මතක හැංගිච්ච එවිට යලි ගෙනේන
නුඹත් රළ වාගේ, හදේ කොන හැපෙන

මලක මකරන්ද සේම සිත බමන
හවස මී වතුර සිතට සුව ගෙනේන
නමුත් ඒ විගස නුඹේම රුව මවන
පාට සමනල්ලූ ඇවිත් හද රඟන

Thursday, February 5, 2015

මතුවට

අරගෙන අහංකාරය 
මලකින් විලක පීදුන
කැටිකොට සෙමින් මී වද
රස තොල් තෙමෙන පදමට

වෙසෙනා ලඳුනි ගඟබඩ
ඇඳ ලැම වැසෙන ගානට
වෑහේ රසැති කවි පද
රතු ඉර බසින යාමෙට

අරගෙන නුඹේ මුදු අත
සඳ කැන් පිපෙන යාමෙක
යන්නට ඇහැකි මා හට
බය තරු එයිද පොළවට

කියපන් මිහිර සැකහැර
ගන්නට අසමි මේ ලෙස
ඇතිවෙද ඇනෙන විස කටු
සඟවා ලයෙහි මතුවට

Thursday, January 29, 2015

සිඟන්නි

පයෝදර තුඩූ ඉකිබින්ඳිද් දී
වසා දෙනුවන් දුක් වින්ඳිද්දී
නුබේ තනියට හිස කුඩිච්චී
සිඟන්නියේ කිම මවක් වෙච්චී

කිරී එරෙන්නෑ දරු හඩද්දී
දවා ලන හිරු ගත පෙලද්දී
හඩාවැලපෙන ලොවක් නැත්තී
නොමැත පිහිටක් හිත කැඩිච්චී

උඹත් හරියට විසේ ඇත්තී
ඇදුම් කඩදහි නැති තැනැත්තී
එහෙව් තිට මේ කිම හිතිච්චී
කියන් කිම නුඹ මවක් වෙච්චී


Wednesday, January 21, 2015

පහස

හැඩ මලක, පෙති පහස - විඳ නොයෙක් බඹර කැල
කියයි සොඳ රස කතා  - මත් සුවෙන් වෙලුනු කල
අසා මෙය, හොරෙන් සිටි -කැලෑ නිලමැසි, මෙකල
යයි ඉතින්, සොයා ඒ - මිහිර පවසපු, පතළ

සොයා ගොස් මලේ හැඩ - නොතේරුන මුන් සැවොම
කියනවා.., එකිනෙකා - මුහුන බලමින් මෙහෙම
රොණුත් නෑ, පලක් නෑ - මලත් අකමැති වගෙම
යමන් යලි රසින් පිරි - අපේ දහනට, වහම

Monday, January 19, 2015

බර

නුඹ ගෙන සියලු බර, තනියම හිසට තනී
උදේ හිඳන් රෑ වෙනකන්,  නොකා නොබී
මාගේ දිවිය, සරු කෙරුමට සහය දිදී
කරනා සහය නුඹ සකි, මට දහස් වටී

මසකට වරක් තෙල් කර, නුඹ පිසදාලා
කර පොල්තෙලින් යහමින් පිට, ඔප දාලා
මදි, මම දන්නවා උඹ මගේ, ලොව වීලා
බර උසුලපන්, මම තනියට නුඹ ගාවා


Friday, January 9, 2015

(හරි) වෙනස

උස් බලය ලඟ, නමා තම දණ
බයෙන් ගුලිවන, දන්නන් නොම වෙන
ආයුබොවන් කටින්, තෙපලන
යුගයකට යමු, කොඳු කෙලින් ගෙන

පොලිසීය ලඟ බිය, නො වෙන්නයි
මැති ඇමති ලඟ කෙලින්, ඉන්නයි
ජනපතියි ඔහු, රජෙක් නොවමැයි
ඉන්නේ අපිටම, සේවේ දෙන්නයි

අතත් සිඹ, වැඳ දෙපා ලඟ, හිඳ
එපා නුඹ දන, ගසන්නට දණ
නුඹම පත් කල, නුඹෙම නායක
මිසක් නොව ඔහූ, කුලෙන් වූ රජ

මෙවන් යුගයන්, පසෙක ලන්නයි
සැමට එක නීතිය, ලබන්නයි
හරි වෙනස වෙත, පිය නගන්නයි
වරෙන් රට සැම, එකතු වෙන්නයි


Tuesday, January 6, 2015

මලක්

බලා හවස පන්සල වෙත යන, පිරිස
නෙලා මලූත්, ඉහ පිරිසිදු පැන්, මුදිත
මලක් පූජ කර, පින් අර ගනු පිනිස
යමි මම, ඇඳන් සුදුවට, පිරුවට කමිස

කරවා මලින් පූජා සමිඳුගේ, නමට
තබලා හෙමින් මල් පාමුල, ලස්සනට
වැඳලා දෝත, මුදුනින් තබලා සොඳට
කිවා පාලි, වඳනුත් පාඩම්, කටට

බලවා මදෙස අනුකම්පා, දෙනෙත් වලින්
කතා කරා අත්තම්මා, මෙහෙට වරෙන්
පූජා කරත් මල් ටික උඹ, හිත සතුටින්
තෙරුම් ගනින් පුත දිවියම, මේ මල තුලින්

ලස්සන මලක් ලෙස, ලෝකෙට පිපෙන්නේ
දවසක් සෙමින් හිඳ, සුවඳින් ඔප දෙන්නේ
පරවෙයි සෙමින්, දිවියත් ඒ ලෙස වැන්නේ
ඒකයි පුතුනි ගත යුතු, තේරුම වන්නේ


Saturday, January 3, 2015

රජු

කප් රුකක් වගේ නුඹ, මට
සතුට දී නඟා, මගේ ලොව
කෙලෙස කොහොම, පියවන්නද
ණය මම, ලොව සවන තුරුම

නුඹේ ඵල, මගේ දිවි රැක්කා
දූ දරු යහ මග, ගත්තා
ස්වබාදම් ලොවෙන්, බිහිවුන
රජු නුඹ, මම ණය ගැත්තා.


Thursday, January 1, 2015

කය

දැන දැනත්, හොඳ හැටිව
දිරන බව කය, දිනක
පෙම් බඳිමි, පිනවමින්
නොයෙක් ඉඳුරන්, විටෙක

සොබාදම අප හැදුව
රීතියෙන් ගැලවෙන්න,
පින් මදිය තවම මට,
සසර දුක තේරෙන්න