මුදු වදන්, සිත් සතන්, සනසන්න ඇහැකි වූ
අමාමහ නිවන්මඟ සොයන්, ලොව පහලවූ
ධර්මයක්, නීති මැද නොම ගොතා සිත නිවූ
නුඹ කවුද සොයනවා, දරන් මහ ගිණි සිළු
සම හරක්, පොල් ගසා ගොඩ යන්න තනන කල
අනිත් උන් භක්තියෙන්, අන්ධ වී පුදති ඵල
එපා කී ගිය බැවින්, දමා නුඹ සඳළුතල
අද මෙහේ හදනවා පින් පතා, අන්න බල
රට වටා පිරිත්, බණ දමා ඇති හින්දාම
හොල්මනුත් නෑ උනුත් ගොසින් දෙව්ලොව, කාම
තේරුමත් නොදන්නා උපාසක, මහනාම
"සාදු" "සාදූ" කියයි, කල්ප ගණනක් තාම
No comments:
Post a Comment