කහ නිල් අඹර ගෙතුවම් කරනා සිත්තම්
කොතෙරම් අපූරුද සොඳුරිය අර නරඹන්
ලාවට එළිය දී බැසයන හිරු මනරම්
තෙජස මහිම බල බෙදුවද ලොව මෙතරම්
කොපමන දවස් මම වෙරළට ඇවිත් ඇතී
කිම මම මෙලෙස සුන්දර බව වින්දේ නැතී
විපරම් කරන්නට සිතිලා සැකෙන් සිතී
මම ගියේ සිතින් පෙර දවසට, නුඹත් වෙතී
පටලා සෙමින් ගෙන දැඟිලි එකින් එක
එබිලා නුඹේ නෙතු යුග තුල එක දිගට
සිටියා දුටිමි නෙතු කැල්මෙන් ලැබ පහස
තනිවී ලොවක අපි පමනක් ඒ දවස
කහ නිල් මොටද සත් වර්ණයි පෙනෙන්නේ
හිරු මට මොටද නුඹ මගේ දිරි මඟ වන්නේ
ඒවිටයි මටත් කිම කියලා වැටහෙන්නේ
අද නුඹ දුරක, නිල් අඹරයි ලඟ ඉන්නේ
No comments:
Post a Comment